Навуку любіць насарог,

Калі здалѐк прыехаць мог,

Аж з Афрыкі, Нігерыі.

Але ступіў ѐн на парог -

Не можа ўлезці ў дзверы.

Жырафа рада земляку:

- Жаданы мой, чаканы...

- А ты, жырафачка, адкуль?

- Твая суседка - з Ганы.

- Канікулы, - сказаў Васіль,

- Браткі, не пашкадуем сіл.

Пашырыць трэба школу,

Пляцоўку для футболу,

А для гасцей замежных

Паставіць клас сумежны.

- Ура! - абрадваўся баран.

- Я зараз намалюю план.

І пачалася праца,

Рад кожны быў старацца.

Давай прачытаем гук Н выразна !

Н —н. Н — н — н! Н— н — н?

А цяпер прачытай літару Н плаўна і доўга.

Н — н — Н — н — Н — н— Н — н

Прачытай адрыўна з прыпынкамі.

Н - Н— Н — Н — Н— Н — Н

Вымаві гук [н] перад люстэркам.

Ці можна яго праспяваць? Ці лёгка праходзіць паветра?

Звярні ўвагу, што паветра сустракае перашкоду. Язык ўпіраецца ў неба і ў верхнія зубы, паветра накіроўваецца ў нос. Значыць, гук [н] - зычны.

Гук [н] на пісьме пазначаецца літарай — Н [эн].

Літара Н [эн] — пятнаццатая літара алфавіту.